Contoh Teks Protokol Bahasa Aceh

Muhammad Zulfan

Saleum ta’dhem kamoe keupada........

Saleum ta’dhem kamoe keupada........

Saleum ta’dhem kamoe keupada........

Assalamu’alaikum Warahmatullahi Wabarakatuh.

الحمدلله، الحمدلله رب العالمين والصلاة والسلام على اشرف الانبياء والمرسلين وعلى اله واصحابه اجمعين. اما بعد.

Alhamdulillah, alhamdulillahirabbil ‘alamin, was shalatu was salamu ‘ala asyrafil ambiyai walmursalin wa ’ala alihi wa ashabihi ajma’in. Amma ba’du.

Seugala pujoe, ta puwoe keu sidroe poe teuh Allah SWT, nyang ka geubi keu geutanyoe umue panyang, sehat pikeran ka deungen ban tujoeh anggeta badan.

Allah nyang peo langet ka deungen bumoe, nyang poe uroe ka deungen malam, nyang poe bulen ka deungen bintang, beuseureta lat batat-kayee batee, nakeuh, ban bandum sigala asoe donya nyoe, nakeuh, Allah sidroe nyang poe ateuh kuasa.

Hana tuwe teuh sit, seulawet ngen saleum saban saree tanyoe du’akan keu salah sidroe nabi akhe jamen, hana laen selaen gop nyan. Nakeuh, nabi Muhammad SAW.

Nyang ka geu ubah, cara cara, pola pike manusia dari pola pola jaheliah keupada cara cara, pola pola nyang islamiah meuhingga, ka meusampoe geutanyoe ban bandum nyoe kata meudep deungen jroeh sampoe oh uroe nyoe di ateuh rung donya nyoe.

* Baca Juga; Contoh Mukaddimah Bahasa Aceh 1

Nakeuh, kamoe jinoe ikeu ureng droe neuh ban bandum seubagoe peu teureuteb acara nibak wate nyang jroeh raya nyoe;

·         Nakeuh acara nyang phon, tameubuka; mari tabuka acara geutanyoe nyoe deungen tabaca Al-Basmalah (Bismillahirrahmanirrahim).

·         Acara nyang keudua, nakeuh, saban saban tadeunge geubaca ayat suci Al-Qur’an; keupada tengku..... wate ngen tempat ka kamoe seudia.

Teurimenggeunaseh keu tengku.....nyang ka guebaca sikrek dua dari ayat Qur’an, seumoga deungen bacaan ayat nyan acara guetanyoe nibak wate nyoe meuhingga keuh lage nyang ban tama keusud.

·         Acara nyang keulhe, nakeuh, bacut sambutan; keupada......wate ngen tempat ka kamoe seudia.

Teurimenggeunaseh nyang lambong keu......

·         Nakeuh loem acara geutanyoe............

·         Nakeuh loem acara geutanyoe...........(sampoe seulesai)

·         Katroeh keuh nibak acara nyang akhe, acara nyang akhe nyan nakeuh, peunutoh. Boh jak saban saban geutanyoe tatoup acara nyoe deungen tabaca Al-Hamdalah (Alhamdulillahirrabbil’alamin).

Kamoe seulaku peuteureteb acara, meulake me’ah pat pat nyang na silap ngen salah, ka kamoe peu akhe acara nyoe deungen bacaan billahit taufiq walhidayah.

Wassalamu’alaikum Warahmatullahi Wabarakatuh.

Writer; Syukri Isa Bluka Teubai.


Posted By; Belukar Aceh News.