Contoh Pidato Bahasa Aceh

Illustration Figure

Assalamu’alaikum Warahmatullahi Wabarakatuh

الحمدلله، الحمدلله رب العالمين والصلاة والسلام على اشرف الانبياء والمرسلين وعلى اله واصحابه اجمعين. اما بعد.

Alhamdulillah, alhamdulillahirabbil ‘alamin was shalatu was salamu ‘ala asyrafil ambiyai walmursalin wa ‘ala alihi wa ashhabihi ajma’in. Amma ba’du.

Seugala pujoe ta puwoe keu sidroe poe teuh Allah SWT nyang ka geubi keu geutanyoe umue panyang, sehat pikeran ka deungen ban tujoeh anggeta badan.

Allah nyang peo langet ka deungen bumoe, nyang poe uroe ka deungen malam, nyang poe bulen ka deungen bintang, beuseureta lat batat-kayee batee, nakeuh ban bandum sigala asoe donya nyoe, nakeuh, Allah sidroe nyang poe.

Hana tuwe teuh sit, seulawet ngen saleum saban saree tanyoe du’akan keu salah sidroe nabi akhe jamen, hana laen selaen gop nyan, nakeuh, nabi Muhammad SAW.

Nyang ka geu ubah, cara cara, pola pike manusia dari pola pola jaheliah keupada cara cara, pola pola njang islamiah, meuhingga ka meusampoe geutanyoe ban bandum ka tameudep deungen jroeh di ateuh rung donya nyoe, sampoe oh uroe nyoe.

Saleum ta’dhem ulong tuan keupada........

Saleum ta’dhem ulong tuan keupada........

Saleum ta’dhem ulong tuan keupada........

Nakeuh, long deung jinoe ikeu ureng droe neuh ban bandum, long keunak peugah sikrek dua haba di ateuh judul:

"Tanggong Jaweub Peumuda"

Ban bandum geutanyoe nyang katroeh teuka inoe, seumoga geubi rahmat nyang leubeh le Allah SWT.

Ureng muda, hoka gata syara metuah nyang leupah that that meubahgia, hoka gata, geutanyoe keuh tukang uroh bansa, meubek tabeh beh umue, meubek tabeh beh wate geutanyoe. Rauh nyang taneuk jak manteng panyang dan jioh that that, langkah langkah nyang taneuk grak nyoe manteng le that that keu ukeu.

Uroe ke si uroe, wate keu wate beukeh ta pubut but nyang jroeh, beumeguna keu pribadi droe teuh, beumeguna keu ureng syik teuh, beumeguna keu guree guree teuh, beumeguna keu bansa teuh. Beuna tapike, beusabe taseumike keu hai nyan.

Ureng muda, get hana get bansa, nakeuh, kerana ureng muda, geutanyoe nyang muda muda nyoe rayeuk that peuran teuh, rayeuk that that tanggong jaweub teuh lam hai keuhidupan. Buken keuh udep teuh di donya nyoe meuka tameudep laju, ken. Nakeuh, tanggong jaweub teuh.

Oh lheh nyan loem geutanyoe ureng muda, haruh peuka teuh keu keuneubah keuneubah indatu teuh, nyang bahawa dari ban bandum keuneubah nyan haruh le geutanyoe untuk saban saban teuh tajaga. Meubek tapeusia sia, pu pu manteng nyang kalheh ureng nyan usaha.

Adat, budaya pu loem agama nyan wajeb geutanyoe jaga. Kiban khen ureng njang khen; “Mate aneuk meupat jeurat, gadoeh adat hana pat tamita.” Beuta peurumen, beuta peurumen wahe bansa, beuta peurumen, meubek keuh geutanyoe tameu laloe le.

Mungken nyoe keuh sikrek dua haba dari long, neutulong peume’ah pat nyang na silap ngen salah. Billahit taufiq walhidayah.

Wassalamu’alaikum Warahmatullahi Wabarakatuh. 

Writer; Syukri Isa Bluka Teubai.


Posted By; Belukar Aceh News.